Yattani kugomithania utongoria wa mbunge niguo gucirira ndugamano ya ugai wa mbeca


Minister wa kigina Ukur Yattani araroka kugomithania utongoria wa ciikaro cieri cia mbunge niguo gucirira mwerekera wa ugai wa mbeca kuri thirikari cia matuura.

Giikaro kiu gitanyitwo kurehe hamwe speaker wa mbunge ya bururi Justin Muturi, murunawe wa Senate Ken Lusaka na muikariri giti wa kanju ya mangavana Wycliffe Oparanya.

Ndeto ino irahanika thutha wa Yattani kurega kurekereria nuthu ya mbeca iria ciagaiirwo kaunti mwaka muthiru, akiuga ni nginya mbunge ihetukie itua riu.

Na muthenya wa ruciu niguo mangavana maraaririe kurugamia motungata mothe maria mehokeirwo thirikari ciao magitetia thina wa waagi wa mbeca.