Wondi nyingi cia ICU kuihura aruaru a homa ya Corona bururi-ini


Wondi nyingi cia aruaru aria mari hatika-ini kana ICU ni cihurite aruaru thutha wa murimu wa Covid 19 gutherema na njira nene.

Akiheana uhoro uyu muikariri giti wa kamiti thuranire ya mbunge igii ugima wa mwiri Sabina Chege, ni oritie A-kenya matige kuoya ugwati wa murimu ucio na njira ya muhuthia.

Aheanite ndumiriri iyo ari thukuru-ini wa muthingi wa Kambiti mwena wa Maragua, akiuria thirikari iheana mask kuri arutwo othe niguo kumagitira kumana na king’uki kiu.

Sabina augite kiumia giukite kamiti yake ni ikagomana na maabithaa a ministry ya ugima wa mwiri niguo mataaririe gitumi gia mask kwaga kuheanwo ona thutha wa thirikari kurekereria kigina.