WALEMAVU HADI SASA HAWAJAHUSISHWA.


Walemavu katika kaunti ya Lamu wamehuzunishwa kuona hadi sasa jamii ya walemavu Lamu  hawajapewa miradi ya kujihusisha na  kazi mtaaani ili wapate kujimudu kimaisha.

Mwakilishi wa walemavu Ikhwan  Omar ametaka serikali kuu kuweka wazi mipangilio waliyopangia jamii inayoishi na ulemavu ili na wao wapate ajira sawa na wasokuwa walemavu.

Kazi mtaani inayoendelea kaunti ya Lamu vijana walemavu hawajahusishwa kwenye  mpango huo kwa kile kilichotajwa kwamba ni kazi ngumu ambazo hawawezi kuzifanya.

Kulingana na Omar walemavu wengi wamesalia majumbani wakiendelea kukabiliwa na hali ngumu za kimaisha kutokana na serikali kuu sawa na serikali ya kaunti kuwasahau katika mipangilio ya nafasi za kazi.