Uwau wa Ikua ya Corona Kikililoni kya Feri Mombasa


Komitii ya kukitana na kunyaiika kwa uwau wa Ikua ya Corona kaunti ya Mombasa, niyaumya mwamulo mundu wonthe ula wina ikua ndaketikilwe kulisa ferrini kikililoni kya Ferry kya Likoni kauntini isu ya Mombasa.

Kiu ni kuatiania na mawalanio amwe ala mekiitwe kuukitana na kunyaiika kwa uwau wa Ikua ya Corona.

Nthi mutui ya Tanzania, yu andu ala maminite kuikiithwa kukwatwa ni uwau wa ikua ya Corona mavika 12, Nthi Mutui ya Uganda ni andu 9,nthi ya Rwanda ni 19 navo vaa Kenya ni andu 16.

Kuatiania na ukunikili ula unenganiwe ni ngwatanio ya Uima wa ene nthi nthi syoonthe W.H.O, andu mbee wa ngili 15,000 nimaminite kutiwa ni thayu kumana na uwau wa ikua ya Corona, andu angi ngili 100,000 namo nimaminite kuiitwa na makavoa Ikua yu, naa andu ngili 350,000 namo makakunika kumana na uwau wa ikua yu ya Corona.