Utongeria bwa senate kurua bugwate mbaru rwaria rwa ugai mbia kiri kaunti kuringana na mung’ana jwa akari


Mubunge wa Buuri Mugambi Rindikiri nakuria utongeria bwa mbunge ya senate butongeretue ni wa baingi seneta Irungu Kang’ata kugwata mbaru rwaria rwa ugai mbia kiri kaunti kuringana na mung’ana jwa akari,

Mubunge uju nakuuga kurina bata ya mugao juu kugitwa kuringana na mutaratara jwa muntu umwe, kura imwe, shilingi imwe kiri kaunti kwona icigo biria birina antu babaingi nibikugwata mugao jwa kung’ana kuingia mobatu jao.

Oo nakuuga miena yonthe nibatie kuraithwa kiri kung’anania mugao akiuga icigo bimwe biria biri miankene ya kaunti bitithiritwe bikiamukira marupurupu ja guntu kuumo, na kurita imakania ria kwaga kugwata mbaru rwaria rwa BBI kethira mateta jau jatiingua.