Unyuvani munene no matuku 9 mwai wa 8 mwaka twathi


Nzama ya unyuvani na mivaka ya ilio sya ubunge IEBC,yiasya kuatiania na miao ya Kenya,muthenya wa kutwaiisya unyuvani munene mwaka twathi ni matuku 9 ma mwai wa 8 naa vai ualyuku, ona kwithiwa kwina muvingiisano wa uwau wa ikua ya Corona.

Kyu kyatangaasa ni mweene kivila wa nzama isu ya IEBC Wafula Chebukati,yila nzama isu ikwambiiasya mivango na mawalanio mayo ma myaka 5, vamwe na kwiyumbanisya unyuvani usu.

Amwe ma mawalanio asu ni uandikithya wa akuni ma kula,kusomethya akuni ma kula na mivango ya kutangaasithya undu mausungio asu menenganawe.

Chebukati ingi niwamenda aayumbe mekie mawalyuku ala mekwendeka ma kii miao, ta nzia imwe ya kusiiya syiko sya ithokoo na kutula miao ta ila syakusiiw’e itina wa unyuvani munene wa mwaka wa 2017.




LATEST NEWS