Ula mwanake unakwatiwe na nzoka niwoovwa miaka ili


Benedict Karrisa Fondo mwanake ula uneekiiwe mbini kikililoli kya Ferry kya Likoni kaunti ya Mombasa ena Nzoka muthemba wa Python ya uasa wa mita 3 na ingi ya kilo 10 uvathukanu na miao niwanewa kyovo kya myaka 2 kana aive vaini wa silingi milioni umwe.

Mwanake uu na ula ni wa ukuu wa miaka 33 eekiiwe mbini wakeli kavindani kala masini sya kuthuima enenthi mailika ferrini yoonie nzoka isu na ila yoovetwe na ikunia na ikalikwa nthini wa briefcase , vala muthenyani wa iso uneetikilanile na mavityo asu ma kwithiwa na nzoka isu yi thayu na atena mavalua ala mathiiwe.

Ayumya utwo uu musili wea makoani kotini usu wa Mombasa Vincent Adet niwaweta kana kwianana na miao ya kusuvia nyamu sya kithekani vai mwenenthi uvaniiwe na kwithiwa na nyamu ya kithekani atena mavalua ala mathiiwe na kwoou aumya utwo mwanake usu aive vaini wa silingi milioni umwe kana ekale yela miaka 2