Ukunikili wa TIFA yiulu wa corona


Kilungu kya 76% kya aakenya nikiendeeye kuthamba moko nesa na kwa kila ivinda matumiite kiwu na savuni ta nzia imwe ya kusiiya kunyaiika kwa uwau wa corona, na uu ni kwianana na ukunikili wa muvea wa ukunikili wa TIFA.

Ingi ukunikili usu ula wikiwe kwa aakenya 1000 wionania kana kilungu kya 18% kya aakenya mainesya kwambiiya kuatiiya mitalatala ila silikali yikiite kusiiya kunyaiika kwa uwau usu.

Kwianana na ukunikli usu ona ou wiovo nikana aakenya maikuatiiya vyu mwiao wa kwikala ene nthi mataanisye.

Ekali ma vaa Ilovi nimawetwa tamo mena umanyi munene yiulu wa uwau usu kwasyaaniw’a na isio ila ingi sya Kenya.