Ukunguiri wa muuthi wa radio thiinii wa thi


Mabururi ma thii yothe umuthi nimanyitaniire gukunguira muuthi wa kimabururi wa radio,mworoto wa mwaka uyu uri makinya maria mutambo wa radio ukinyukiitie kuuma hindi iria wathunduriirwo.

Guku bururi-ini radio yaruguriirio miaka  93 mithiru,, mwandiki munene ngwataniro-ini ya mabururi UN Antonio Guteres, akiuga radio iguthii na mbewre na kuhimbirio ni andu aingi kuona niinyitaga itemi inene hari guthomithia muingi.

Thi yoothe igithii na mbere na gukunguira muuthi wa kimabururi wa Radio, guku bururi-ini atongoria a ikiro itiganiite hamwe na muingi ni magathiririe ceceni hakuhi nawe Inooro Fm, kuumana na itemi riria ikoretwo ikinyita hari kumenyithia muingi maundu maria marathii na mbere matuura-ini mao na thi yoothe handu yaruma.

Murugamiriri wa atumia county-ini ya  Nyandarua Faith  Gitau augite ceceni ya  Inooro fm niikoretwo ikiruta wira wa bata wa guthomithia muingi,hamwe na kumenyithia athikiriria aayo maundu maria marahanika kuraya na hakuhi nao.

Hamwe na uguo ni agathiririe muikariri giti wa kambuni ya Royal Media Services Dr SK Macharia na mutumia wake Mrs Gathoni Macharia niundu wa wiheani wao hari kuramata kambuni ino iria niyo nyene ceceni ya Inooro fm  hamwe na ceceni ingi kihiiri cia radio.