Ukui wa Ngali ya mwaki ya Matuu aa ya Madaraka Express niwasyokewa kuma vaa Ilovi kuthi Mombasa


Ukui wa Ngali ya mwaki ya Matuu aa ya Madaraka Express, wiikwatiwa kwambiisya ingi Umunthi kioko kuma vaa Ilovi Kuthi Mombasa, itina wa silikali nene kwithiwa kyumwa kivitu inavetangie mwiao wa kuvinga kulika na kumaaluka kauntini sya Ilovi na Mombasa.

Kuatiania na minister wa muvia wa Ukui James Macharia, ngali ya mbee ya mwaki yiondoka vaa Ilovi saa ili sya Kioko naa yiikwatiwa kuvika Mombasa saa 12:45pm.

Macharia easya kana, nimekuikiithya ngali isu yina makumbi 10 ala mekwithiwa maitumiwa ni ene nthi, naa ala mekwithiwa mayikala mataanie kuatiania na miao ya muvia wa uima wa ene nthi, vala mekwithiwa matonya kukuwa andu 600 kwa ivinda yimwe, ila ni nusu ya undu tene makuwaa.

Ingi ngali isu ya Mwaki ya matuku aa, yiithiwa yina ikumbi yimwe yivathitwe, yila yikwithiwa yitonya kwiwa mundu ula mekwiliwa ta utonya kwithiwa ena uwau wa ikua ya Corona.