Uhuru gutongoria bururi kuruguria riboti ya BBI guku Nairobi


Riboti ya kamiti ya uiguithanio BBI irarugurio umuthi kuri muingi giikaro-ini kia Bomas guku Nairobi.

President Uhuru Kenyatta, Munini wake William Ruto na mutongoria wa ODM Raila Odinga nio maratongoria mihang’o iyo thutha wa kwamukira riboti iyo ya muthia.

Aria marekinyia giikaro kiu matanyitwo guthingata mitaratara ya ministry ya ugima wa mwiri niguo kuigitira kumana na homa ya Corona.

Na aikari a icigo ciothe cia bururi aria manyititwo ugeni giikaro–ini kiu ni marokire kuoha thabari ya guka Nairobi niundu wa mihang’o iyo.