Tsinjendo tsi tsindeche tsiu khurula nende khuinjira mu Kenya tsiranji nunu


Tsinjendo tsi tsindeche tsiu khurula nende khuinjira mu Kenya tsiranji nunu mieri chivaka khurula serikali ya Kenya nikhuba marufuku tsinjendo yetso shichira yu bulwale vwa Covid 19.
Indeche yu khuranga khurula mu Kenya ibere yi ikampuni ya Kenya Airways itsiri mu town ya London,Ibunjeresa.
Yaka nikali karyo,indeche yi ikampuni ya Rwanda Air ibere yu khuranga khuyera mu shikuri shi tsindeche shya Jomo Kenyatta.
Macheni kabola,bakhongo ba serikali babere mu shikuri esho nalimu waziri muti wa makhuba ki ilwanyi wa Kenya Ababu Namwamba nende waziri muti mu wizara yi tsinjendo Solomon Kitungu.
Tayari,serikali ya Kenya imali khuiyema bandu khurula mmbivala kumi na tisa khuinjira mu shibala munu nikhali khutukha balonde malako katsiana ne tsinjira tsiu khulwana bulwale vwa Covid 19.