Trump na Biden kwambika kambeni gitaru-ini gia Florida mbere ya ithurano cia America


President wa America Donald Trump na mung’etheri wake munene Joe Biden ni mathaganitie micemanio ya kambeni gitaru-ini gia Florida.

Trump wa kiama kia Republican niwe waiyukirie uhotani gitaru-ini kiu mwaka wa 2016, akiuga ndari na nganja ni egutorania ringi miaka ina thutha-ini.

Ang’ethaniri acio mari mihang’o-ini ya muthia ya kambeni mbere ya ithurano nene iria iraaririo muthenya wa keri kiumia giukite.

Nake Biden uria urarirukia bendera ya kiama kia Democratic ugite ni athaganitie mitaratara mirumu ya gucokaniria muingi wa America.

Biden aatungatire miaka inana ari munini wa President thirikari-ini hetuku ya Barack Obama.

Bururi ucio uri na aikia a kura makiria ma million igana ria mirongo itano na ithatu.

Na nginyagia riu andu million mirongo inana na imwe ni maikitie kura ciao kugerera njira ya posta niguo guithema na mihatikano muthi wa ithurano oriri homa ya Corona icacite bururi-ini ucio.