Trump na Biden kung’ethanira ndereti-ini ya muthia ya king’ang’a-ini mbere ya ithurano cia America


President Donald Trump na mung’etheri wake Joe Biden ni mang’ethaniire ndereti-ini ya muthia ya king’ang’a-ini.

Ndereti iyo ya utuku wa gukia umuthi ihutirie hamwe na mangi maundu makonie marihi ma igoti na mbaara ya murimu wa Covid 19.

Na miario-ini yake Biden augite Trump ndari na umenyo wa uria angihonokia muingi wa America kumana na ugwati wa king’uki kiu.

Indi agicokio miario iyo augite ni ageretie na njira nene kuona njanjo ya murimu ucio ihakuhi kurekererio, guku agitaariria ati ona atongoria a mabururi mangi ni mamuhuragira thimu kumutugia.

Ithurano nene bururi-ini ucio itigaritie nduku ikumi na imwe itabanio, no uikia wa kura wa kabere ni urathii na mbere kugerera njira ya posta.