Timu ya Kenya ya Harambee Stars niyambatie kwa pointi 2 na yavikya Namba 102, nthini wa iwango sya ngwatanio ya muvila wa mauu nthi yoonthe FIFA, ila inenganiwe iyoo.


Timu ya Kenya ya Harambee Stars niyambatie kwa pointi 2 na yavikya Namba 102, nthini wa iwango sya ngwatanio ya muvila wa mauu nthi yoonthe FIFA, ila inenganiwe iyoo.

Kiu ni itina wa imwana isu sya Harambee stars ungu wa Kocha woo Jacob Ghost Mulee, kuandikithya mausungio maseo vala manaumie draw na timu ya nthi ya Misiri mbee wa matanamba kuthauka na timu ya Togo.

Timu ya nthi mutui ya Uganda, namo nimatheeiye pointi imwe nthi, nginya mavika namba 84, vala Namo Tanzania matheiiye pointi 2 nginya Namba 137 nthi yoonthe.

Kuatiania na walanio usu wa FIFA nthi yoonthe,Myanya 6 ya mbee Timu ya nthi ya Belgium niyo itongoetye yiatiiwe Ufaranza, brazil, Uugeresa, Portugal na Spain.

Yu walanio ungi ta usu ukanenganwe ni ngwatanio isu wa muvila wa maau nthi yoonthe kwi matuku 27 ma mwai wa 5 mwakani uu.