Thoko ya Runyenjes ndina manji,onjoria guteta


Thirikari ya county ya Embu niyuritue itigirire thoko ya Runyenje kwina mai ma kwigana niguo andu mavote kwithamba ta njira imwe ya kurua na murimu wa coronavirus. Miario ino yaritue ni Murugamiriri munene wa cukuru wa St Lukas mwena wa Runyenye Lucy Ruguru kavinda karia ekinyirie thokori iyo kuva onjoria matangi ma gwikira mai na thamuni ya kwithamba njara ta njira imwe ya kurua na virus cia Corona.

Onjoria a thoko ya Runyenje nimagathiriritie ikinyo ria Ruguru guku makiuga atongoria ao nimariganiritwe nio. Matongoretue ni Caroline Wanja maugite nimakuvingia mawatho monthe ma utheru riu tondu maina thamuni na matangi nwati mauria thirikari ya Embu gutigirira kwina manji wa muthenya. Mwene giti wa thoko ya Runyenje Justus Njagi Kamau niugite kwina vata wa manji thokori niguo mavingie mawatho ma utheru.