Thirikari kwambika mubango wa kuheana urigitani utari marihi kuri A-kenya othe


Mutaratara wa urigitani utari marihi kuri muingi wothe wa bururi urarugurio muthenya wa ruciu ni mutongoria wa bururi mugathe Uhuru Kenyatta.

Mubango ucio urakoretwo ukigerio thiini wa kaunti inya cia Nyeri, Isiolo, Machakos na Kisumu no ni wiriga kurugamio kumana na waagi wa mbeca.

Na Uhuru akaruguria mihang’o iyo mwena wa Mombasa, minister wa ugima wa mwiri Mutahi Kagwe akiuga mubango ucio ni ukuhithiria muingi ngarama ya iguru ya urigitani.

Ruhonge rwa ugima wa mwiri ni gitugi kimwe hari inya iria irongoreirio ni thirikari ya Uhuru hari itiina riake ria keri na ria muthia ria wathani.