Thirikari kuurua itaare VC wa university ya Masinde Muliro


Ngwataniro cia aruti ngugi university ya Masinde Muliro kaunty ya Kakamega icinenkerete ministry ya kithomo na kanju ndugamiiri cukuru ntugu 21 gutaara VC waimbia.

Ngwataniro cia UASU na KUSU ciugiite kwa mianka yiiri kuuma ura aari VC Prof Fredrick Otieno kuthiria term yake, cukuru inu utiigitue iri na VC na wa kagiita gaku wigiitue iri na awatiri bathatu.

Batongoreetue i Robinson Oduma wa UASU na Onsere Mulongo wa KUSU, atongoria ba ngwataniro inu baugiite igamba rira riari kotini na rira gumba kuigua riarigiiritie gutaarwa kwa VC irithiriite.

Bakiaria na andiki ba ntheto town ya Kakamega, baugiite waagi bwa VC university inu igutemete mantu maingi wegua matakuthi mbere bura kubatiiri.