Thirikari kuuga niikunyorotha mitaratara ya kwamukira andu aria marauma nanja wa bururi


Minister wa ugima wa muiri Mutahi Kagwe augiite thirikari niirageria uria wothe ingihota kunyorotha mitaratara ya kwamukira andu aria maraingira guku bururi-ini kuuma mabururi-ini ma nanja, na aria maracooka kuhamurithio guikara keheri-ini kwa ihinda ria thiku 14.

Kagwe augiite andu aingi nimakoretwo makigerera moritu maingi megii nginyagia kuria mabatii guikara ihinda-ini riu ria thiku 14 niundu wa namba nene ya andu, indi  thirikari niikwariira mitaratara mirumu niguo gutuithania thiina ucio.

Muthenya wa ruciu thaa thita cia utuku niguo thirikari ikarugamia  thabari ciothe cia ndege kuuma kana kuingira guku bururi-ini, otiga ndege cia gukua mirigo,itemi-ini riayo ria  kuhotomia gutherema kwa homa ugwati ya coronavirus.