Thirikari kubatara kuthingatira mawatho jaria jario katibene kagita ga kuthondeka kamiti o yonthe


Thirikari nikubatara kuthingatira mawatho jaria jario katibene kagita ga kuthondeka kamiti o yonthe.

Ni nteto kuringana na spika wa mbunge ya kinthiguru Justin Muturi kagita ga kurugurua kwa mitaratara na mwerekera jwa gutongeria kamiti mpamukiri mateta ja mwingi ijikene ja Ombudsman aja Nairobi.

Muturi nakuria thirikari riria ikuthondeka kamiti mwanya kuraitha mantu mwanya, akiuga kamiti nyingi niciagite kuingia ngugi ciacio ni kwaga mucingi juria jubatie.

Spika Muturi naritite ngerekana ya mitaratara ya ithurano iria ikubatara kuthondekwa ni kamiti ya ithurano na mianka, IEBC, miaka iiri mbere ya mwaka jwa ithurano,.

Spika oo nendete rwangi rwa korti ruingie kioto kia mwingi kagita karia igutungatira magamba ja baria bagwatwa ni kuuna watho.

Ni mwito jugwati mbaru ni mutongeria wa baingi mbungene ya kinthiguru Aden Duale, uria uthumbitie kamiti nyingi na kwenda arungamiri bacio barite riboti cia kurio kiri mbunge, kwaia uu bakaaga kwathurirwa mbia cia utumiri,