Thirikari gwathana a China aria meriga kuhura mukenya mahundurwo bururi-ini wao


Thirikari niyathaniite raiya 4 a bururi wa China aria magumiirwo ni thitango cia kuhura iboko  mukenya umwe uria urarutaga wira mukawa-ini wao mwena wa Kileleshwa guku mucii wa Nairobi mahundurwo bururi-ini wao.

Minister wa ugitiri wa bururi Dr Fred Matiangi  niwe urutire watho ucio, thutha wa igoti gwathana ekuirwo acio mahingirwo kwa ihinda  ria thiku 15 nginyagia uthuthuria urikiriire.

Raiya acio 4 maikirio ngono thutha wa mbica cia video gutheremio mitambo-ini ya ukinyanirio wa kiriu cikionania murugamiriri umwe wa mukawa ucio akihura mukenya ucio iboko gukirikana ni gucererwo acereirwo guthii wira.

Baruthi wa China  guku bururi-ini  Wu Peng niakumithirie giiko kiu akiuga ninginyagia raiya a China aria maikaraga guku bururi-ini matiiye watho wa bururi uyu.