Thirikari gutangaca ikaandika ariti ngugi bangi 5,000 ba utungata bwa ugima bwa mwiri


Rais Uhuru Kenyatta natangacite ati thirikari ikaandika ariti ngugi bangi ba utungata bwa ugima bwa mwiri ngiri 5, baria barina cretificate ya kithomo kia Diploma na Certificate gwa kagita ka mwaka jumwe gutetheria kwagirithia rwangi rwa ugima bwa mwiri aja nthigurune kagita gaka nthiguru yatiki ni thiina ya corona.

Akiariria nthiguru gikarone kia rais kia Nairobi, rais Uhuru oo natangacite ati shilingi bilioni 1.7 ikaathurwa niuntu bwa cibitari cia mwingi, akiongera ati thirikari ikonjoria nkuruki kiri kugita ucunkuni bwa virus ya corona.

O kagitene kau rais Uhuru natangacite makarika jangi meeru 31 na gwankia 1,192 mungana jwa ajie ba virus iu aja nthigurune.

Ministry ya ugima bwa mwiri nikuuga ati kumata kwa makarika ja corona aja nthigurune gukambia mweri jwa 8 kana 9.