Thigunku ya IDD gukunguirwa ruu Nchumaa, tariki 14 mweri wa itano, 2021


Thigunku ya Eid-UL-Fitr igakunguirwa ntugu ya ruu, Nchumaa ya tariki 14 mweri uyu wa 5.

Ikulingana na ntumiiri ya kadhi munene aaga nthiguru Sheikh Ahmed Muhdhar ura augiite kithata gitironekana na kwogu Aislamu bakarikia ntugu 30 cia mweri umutheru wa Ramadha imunthi.

Kiri ntumiiri yake, Sheikh Muhdhar augiite kwaga kwonekana wa kithata kuumanitie na matu.

Tayari, eetigiri ba dini inu ibambiritie kuithuranira nontu bwa nyambura cia ntugu ya ruu na njira ya kugura into mwanya mwanya mwanya kinya weegua baingi ibainyirikiite kuumania na waagi bwa mbeca.

Atongoria ba dini inu ibataarite eetigiri kuthingatiira mawatho mara meekiritwe i thiriakri kurigiiria gutamba nkuruki wa corona kagiita ka nyambura inu.

Thirikari gukurukiira ubisi bwa minista wa ukaria bwa nthiguru Dr Fred Matiang’i nitumiiritie ruu ta ntugu ya kunogoka aaga nthiguru gukunguira Eid-UL-Fitr.

Amwe noogu, nthiguru imwe ta Saudi Arabia, UAE na cingi cia kathumba igakunguira thigunku inu imunthi.