Thibitari cia muingi Nyandarua kugumirwo ni waagi wa njanjo ya githuuku


Thibitari cia muingi mwena wa Nyandarua ni igumiirwo ni thina munene wa waagi wa njanjo ya kurigiriria murimu wa githuuku.

Aciari merite Inooro Ruciini ati riu maracungiriirwo guthii nginya Nakuru gwetha njanjo iyo, na aria matari uhoti makaiga ciana ciao hatika-ini ya kugumirwo ni githuuku.

Minister wa ugima wa mwiri thirikari-ini ya Nyandarua Njenga Mungai augite ni metitie ndawa iyo kuuma kuri thirikari ya bururi.

Njanjo ya githuuku iheanagwo kuri ciana cia kuuma meri kenda, ngwataniro ya ugima wa mwiri thiini wa thi WHO ikiuga ciana itanyihiire ngiri imwe ni ciakuire mwaka wa 2017 guku bururi-ini kumana na ndwari iyo.