Tesetai kowendi barak terchinet agobo oret nekiboisie kepchechi rabinik serkalisiekab county kangorus inaat maget nebo yaetab ngalalutik


Tesetai kowendi barak terchinet netinyegei ak oret nekiboisie kepchechi rabinik serkalisiekab county kangorus inaat maget nebo yaetab ngalalutik asikobit kecheng walutiet.

Maimuch komasta agenge kokoito kainutik chebo senetaek chechute committee nekatetat kondochi Speaker nebo Senate Ken Lusaka kangomwa kole kakobit walutiet logoiywek chekaesio komasta age nebo senetaek.

Ak kou yeiarorwech sirindenyo Bernard Rotich kokamwa Lusaka kole ngotkomaisulda tetutik chebo chengsetab walutiet koititoi Jumatatu wikit nenyone komatinye age kobate kokoito notok eng bunge asikokon tilet senetaek.