Sudi na Ng’eno kumeneerua, akari Gatundu kurutha maandamano


Akari town ya Gatundu gishigo gia Gatundu South kaunty ya Kiambu kura iku rais Uhuru Kenyatta aciariritwe ibaruthiite mandamano kumeneeria miario ya abunge Oscar Sudi wa Kapseret na Johana Ng’eno wa Emurua Dikirr ya kuruma na kwagira gitiiyo rais na mujii wake.

Akari babu ibauriitie atongoria ba gisiasa gutuika ngerekano imbega na kwaa gitiiyo ubisi ya rais na nkuruki gutumiiria thiiri bantu a kwathurana nthiguru.

Kagiitani gaku, atongoria ba kiama kia ANC ibaugiite kuri na gitumi kia bara bakwenda kwathurana nthiguru kuthukirua matagaaria ma kiwatho.

Batongoreetue i mutongoria waago Musalia Mudavadi, baugiite atongoria babatiiri gutuika ngerekano imbega ya kuleta urumwe bantu a kwathurana mwingi.

Baugiite nwa mwanka kila mukenya eewe gitiiyo giake itakumakania i ntumurume kana i mwekuru, aumiite ku kana nuu kiri mugongo.