Spika Beatrice Elachi na gicunji kia MCA kuraara mbunge, City Hall


Gicanjama nikioneke mbungeri ya kaunti ya Nairobi umunthi kirauko, vuva wa spika Beatrice Elachi na gicunji kia MCA aria mareere mekaro ma mbunge, kutharikirwa.
Kurerikana aria mamatharikire ni andu maragwata mbaru ngavana Mike Sonko, Abdi Guyo na Jacob Ngwele.

Kuringana na Elachi, mareere mekaro ma mbunge nyomba-ri ya City hall, magiiitigira kutharikiwa micii kwao, vuva wa ndugamano igii banjeti iria irerigirirwa gukinyua mbungeri ino umunthi.
Ino ni vuva ya gikundi giki kugwata mbaru itua ria kugaira kigina kingi ruvonge rwa NMS, undu uria urerika ngavana Sonko, Guyo na Ngwele matiretikania naguo.

Maavitha aa ugitiri nimekinyirie mwena ucio niguo kuvoreria thagathaga ino, guku makiviririrwa gutumira teargas na kwamata andu amwe.