Seneta Muthama niwasungia kyama kya Wiper


Ula wai seneta wa Masaku Johnson Muthama niwatangaasa kana we niweevetangie kyamani kya Wiper mwaka wa 2017.

Muthama nthini wa valua ula wasungia kyama kya Wiper na kila kinamunengete ivinda mithenya 14 kuweta niki ukuvuthya utongoi wa kyama kyu, niwasya kana we eevetie Wiper yila waemie kuungama kutetea kivila kyake kya useneta.

Seneta usu watene niwamutula muti ndongoi ya Wiper Kalonzo Musyoka kwa kila wakita ta kutumia kyama kyu kwoondu wa kwiiyiuna na maundu make mweene.

Ingi Muthama niwatangaasa kana unyuvanini munene wa mwaka wa 2022 akeethwa na kyama kyake na kila kikaungamya muusumbi, magavana, maseneta , aayumbe na MCAs kenya yonthe.