Senators kuruta Kindiki ta munini wa spika


Munini wa spika thiini wa mbunge ya senate uria nwake senator wa Tharaka Nithi Prof Kithure Kindiki niurutitwe giturwari kiu.

Mbunge iyo niirikitie kwariria ndereti iyo iria ikinyirue mbere ya gikaro kiu ni chief whip wa aria engi thiini wa mbunge iyo Irungu Kangata na kunyitwa mbaru ni seneta wa Makueni Mutula Kilonzo junior.

Maseneta 54 nimaikirie kura kurutwa gitiri kwa seneta Kindiki guku ari mamunyit mbaru mai mugwanja guku airi matagwikia kura.

Vau kavere mbunge iyo iraina ndereti nviu ya kuruta senator Kindiki gitiri kiu guku aria makureganaga na ndereti iyo magitongorua ni uria wai mutongoria wa engi thiini wa mbunge ya senate na uria ni senator wa Elgeyo Marakwet Kipchumba Murkomen akiregana na itua ria kumuruta gutiri kiu.

Mwena wake Kindiki augite kurutwa gwake giturwari kia munini wa spika thiini wa senate ni uteti utavatere na kuga nimathiite mugaru na watho niguo gukinyaniria mendekithia mao ma giuteti nwati auga akanyita mbaru rais Uhuru Kenyatta mbaru kurikia itina riake ria utongoria.