Senate kwariria ugai bwa kigina kiri kaunty


Maseneta ibakuirigiirwa ntugu ya imunthi kwariria njira ira igatumika kiri kugaira kaunty mbeca.

Kulingana na mutaratara waimbia ura wendekithiitue i nkiama yeegie ugai bwa kigiina ya CRA, kaunty 19 ikaanyithirua mbeca nacio 28 iwate kigina kinene nkeruki ya agu kabere.

Kaunty ya Mandera igata nkeruki ya Kshs 2B, Wajiri Kshs1.4B, Kwale Kshs 1.2B neo Kilifi ikagitwa Kshs 1.1B. Kaunty cingi ira ikaagitwa mbeca mutaratara uyu ukaaya gutumika i Marsabit (984), Narok (853), Mombasa (682M), Makueni, Machakos, Nyamira, Tana River, Tharaka Nithi na Garissa.

Nuntu bura bukureganwa nabu anene i masenator bamwe bakiuga bukaaguithia miradi imwe ya kaunty

Mutaratara uyu uriendekithia 18% igaigwe kulingana na wingi bwa antu, 20% kulingana na mantu meegie ugima bwa mwiri, 12% kiri urimi na 4% kulingana na unene bwa kaunty.

Gati ga kaunty ira ikoongerwa kigiina i Kiambu, Nairobi, Uasin Gishu, Nandi, Machakos, Laikipia na Embu.