Senate kuringa kura kuruta kana kuregana na kuruta gitini munini wa spika kiri senate


Imunthi mathaani ma thaa inyanya masenator makaringa kura kuwatanira kana kuregana na yiendekithia ria kuruta gitini munini wa spika kiri senate ura nwa wee senator wa county ya Tharaka Nithi Prof Kithure Kindiki

Bubu ii nyuuma ya spika wa mbunge inu nwee Ken Lusaka witia gikaro giki imunthi nyuuma ya muraithiri mitugo ya masenator ma jubelee nwee Irungu Kangata kwira rwaria ruru kiri mbunge inu akiugaga kindiki nathite mugaru na murungamo wa rais Uhuru Kenyatta kiri mantu megie kiama kia Jubelee

Muthenya wa ncumaine masenator 48 bari oo ba jubelee na baba bangi ba cord ibasainire kuwata mbaru rwaria ruru.

Abunge mwanya mwanya kuuma county ya Meru Tharaka nithi na Kinya county ya Embu ibairutirite kuromba rais Uhuru Kenyatta kurekera Kindiki kwona atirarutwa kaanyani gaka.Bariuga rais atibati kuira ndoa yake kiri Kindiki ura withiritwe airutirite bunene kiri uruti bwake bwa ngugi

Miario ya atongoria baba niwetwe mbaru na akuru ba Njuri Ncheke bara bakuga babati kwegwa mwanya wa kwaa ikanukia Kindiki kaithira ka abitiritie rais