Rwang’i rwa utalii guta mung’ana jwa shilingi bilioni 80, CS Balala kuuga


Rwang’i rwa utalii nirutete mung’ana jwa shilingi bilioni 80 kumana na murimo jwa Covid19.

Ni nteto kuringana na minista wa utalii Najib Balala, akiuga nkuruki ya antu milioni ijiri baria baraandiki rwangine ruu rwa bata nkuruki nibaringithitue na njira ya guta ngugi ciao.

Minista Balala nongerete kuuga ati rwangi rwa utalii kwomba rukambiria kwamukira atalii kuuma nthiguru cia kigeni kwambiria mwaka jwa 2021, na kwou kwenda utalii bwa ndene ya nthiguru kuewa kaanya ka mbere.

Oo Balala naugite July 1 ni ntuku iria ministry yawe ikaruguria mwerekera nkuruki na mitaratara iria igatumika kwagirithia rwangi rwa utalii kagita gaka ka murimo jwa Covid19.