Rutoitab minista nebo tililindo nebo kaunti nebo Uasin Gishu eng Kamalel centre.


Kakogon koyomiset minista ne teleljin ngálekab tililindo eng kaunti nebo Uasin Gishu- Everlyne Rotich kole, agoi kotestai serikalitab kaunti kotiiy bik che kinyoru kotinyei miondab Covid -19.

Kan korutechin bik che tesetai konyoru konyoiset kosubgei ak miondab Corona eng kitesyet ne kikitoboonji nebo Kamalel , komwa inendet kole, tinyei kaunti nebo Uasingishu bik 6 che tinyei mionoto -che kakitabaan eng kitesyonoto eng kasarta ne kikinde quarantine kora bik alak 39 che kiimuch koriikyigei ak bichoto .

Kaimuch kora ministayandenoto korutechi kiboitinikab tililindo chemi kebeberto ne kikitoboonji – che kiboisien kitesyonoto kinyoen biik che tinyei Corona ak koweekyi kongoi agobo gonunetabgei eng boisionikwak che miach eng girindaetab mionoto ngóy.