Rorera korwa obokonyi- eserekali yekaunti gosabwa


omo mca bwensemo ya nyacheki ime yekaunti ya kisii caleb ong’uti oragire ekiara okorwegwa kwa obokonyi bwarwegwa na eserekali yekaunti ya kisii gochia ase abanto beward eyuo abwo baakwa na embura enyinge egotwa ime ya gusii.

kagokwana na egetuo eke iga, ong’uti nigo amochirie abaobisa korwa ensemo ya emebasokano ime yekaunti ya kisii ase ogotabeka emeroberio ya beene koenekia buna abanto baria ekeene baagetwe na omochando nkonyora bare obokonyi obwo

korengana na onguti, chiamate isano chioka gati ya 60 echioa chiaagetwe na omochando oyuo nachio chioka chianyorete obokonyi obwo na obokonyi bonde bogasaganwa nakoirwa nabanto bataagetwe na omochando oyuo.

onguti nigo asabire eserekali yekaunti koenekia buna ngotumeka ere amarieta aria arwetwe chingaki abapbisa baye baigete ase ensemo eyuo komanya baria baakire na omochando oyuo erio baegwe obokonyi egekogera goika bono nigo bagendererete goetera emechando emenene.