Ringre obila manyocha otho e pii e aora Nzoia e Sub County ma Ugenya ne oyudi


Koro gikone to ringre obila moro ma ja higni 57 manyocha otho e pii e aora Nzoia chieng Jumapil ne oyudi

Magi ne oyangi gi jatend obila ma County ma Siaya migosi Francis Kooli mane owacho ni ringre obilano miluongo ni Joseph Ouma Owuor mane koblo manetiyo Sigor Police Patrol Base egwenge mag Kapenguria ne oyudi ei okinyi makawuononi

Apisa mar obilano mabende nyochane nie rusa moro machuok e dalagi ma Ugenya iwacho ni nyochane odhi luok e aora Nzoia ni ema bang seche moko manok to ne oyudi ka oonge e geng aora mane rik oluokoreeno

Monde ariyo ma gin Damaris Adhiambo Ouma kod Joyce Auma Ouma ne rik jogoyo ripot ni mana lep wuon pargino kende emane oyudi ekamane oluokoreeno

Kochakore gi chiengno familia kod wede mag obilano josebedo ka jomanyo ringre wuodgino manyakane ochopo okinyi makawuononi emane koro giyudee ringre wuodgino ka lewo ewii pii gie dho aora Nzoia kuno

Kanomedowuoyo ewii wachno migosi Kooli nowacho ni ringre obilano ne oter e kar kano ringre joma otho ma kar thieth ma Ukwala Sub County Hospital ma ibiro dhi timonee bero

Maendi koro kelo kwan ringre jii makoro oseyudi e aora Nzoia kuno chopo jii 4 bang yut ringre jii 3 moko kuom jii 5 manyochane jotho e pii e aorano chieng ngeso kane yie mane ginie iye ne onimo e pii e aorano