Rais Uhuru kurutha ndiunga ya ntugu ithatu DRC


Rais Uhuru Kenyatta ari nthiguru ya DRC kiri ndiunga ya kinthiguru ya ntugu ithatu ara athokeetue i rais wa nthiguru inu Felix Tshisekedi.

Gati ka bara baraari amwe na rais Tshisekedi kienini kia ndeke kia N’djili mujii munene wa Kinshasa ugoro bwa igoro kuwata ugeni rais Uhuru naatongoria ba nkathi cia iguru thirikarini ya Congo areogo minista wa mantu ma nthiguru cia ome Christophe Lutundula

Rais Uhuru ari aandamanite na minista Raychelle Omamo (Foreign Affairs) na Eugene Wamalwa wa thirikari cia matuura kiri ndiunga inu.

Mbalothi wa Kenya nthiguru ya DR Congo Dr George Masafu augiite ndiunga inu nea kurikiria ngwataniro gati ka nthiguru inu guukiria biashara, akiuga nthiguru inu ciiri nwigiitue iri na untuire burito na bwa akubi.

Amb Masafu augiite ndwaa nthiguru ya Congo nitemeete biashara gati ga Kenya na DRC ciaangaratana kwa igiita riraaya indi nyuma guchokeera kwa thiiri mwanka wa 2014 biashara iciambiritie guukira.

Rais Uhuru na Tshisekedi ikabuirigiirwa kurutha rwaria na gukuuyira wikirwa kirore kwa ngwataniro mwanya mwanya gati ka nthiguru inu.