Rais Uhuru kuruguria mubango jwa kwonokia uchumi


Rais Uhuru Kenyatta narua naruguritie mubango jwa kwonokia uchumi kumana na thiina cia covid19 jwegie kwathurwa gwa shilingi billioni 53.7 ni ministry ya kigina kuringa njeki ndwangi mwanya cia kiuchumi.

Kuringana na mubango juu juria jukwirigirwa gukurukua ni mbunge, mungana jwa shilingi billioni 4.2 igatumika kwongera twanya twa ngugi aja nthigurune rungu rwa mubango jwa Kazi Mtaani, indiria shilingi ingi bilioni 3.1 ikerekithua kiri kwagirithua kwa rwangi rwa kithomo.

Imwe cia ndwangi ingi ikwirigirwa kugunika na mubango juu ni utalii ruria runenkeri mugao jwa shilingi bilioni 5.9, rwangi rwa urimi rwanenkerwa shilingi bilioni 3.5 indiria abiashara bakwirigirwa kwamukira mugao munene nkuruki jwa bilioni 13.5 kurungamira kinya marii kiri marandu jao.

Rais Kenyatta naugite thirikari yawe niciatirite kwonokia mukenya kuuma kiri ururu bwa virus ya corona indiria akiuga thirikari nandi nikwaa akenya baria batiguciumba mungana jwa shilingi milioni 250 o kiumia.