Rais Uhuru gutongoria mucemanio iguru ria corona


Rais Uhuru Kenyatta nakuirigiirwa ntugu ya imunthi gutongoria mucemanio weegie murimo wa Covid-19 ara ataaramu ba ugima bwa mwiri bakaamurika bura nthiguru wigiitue ikirwaana na gutamba kwa murimo uyu.

Nyuma ya mucemanio uyu ura ukaaruthwa gukurukiira mitandao, rais Uhuru Kenyatta akaaruta mwerekera iguru ria mitaratara nkuruki ya thirikari kurwaana na gutamba wa corona ntugu ya ruu.

Akenya bara twaraniritie nabo bari na wirigiiro bunene bwa kuregerua kwa mamwe ma mawatho mara meekiritwe i thirikari ta bura bwa kabiu na kwingwa kwa wendia nchobi.

Kuuma ikarika rea mbere buru rirakuuyirwa aaga nthiguru mwambirio wa mweri wa ithatu mwanka uyu, antu 38,115 ibawatikaniite na corona ara gati kaago 24,621 bariikitie kubua nabo 691 baakua.