Rais Uhuru Kenyatta ameeleza kuwa hana nia yoyote ya kulivunjilia mbali bunge kwa mujibu wa ushauri wa jaji mkuu David Maraga

Katika mahojiano na Runinga ya France24, rais ameeleza kuwa hata bunge likivunjiliwa mbali itasalia kuwa vigumu kuafikia usawa wa jinsia

Aidha ameonya kuhusu kampeni za mapema akimlenga naibu wake William Ruto, anayesema hajabatilisha uamuzi wake wa kumuunga mkono

Hata hivyo anasema wakati ukifika, ataeleza kuhusu anayemuunga mkono kikamilifu

Pia rais amesema Kenya haitaruhusu ndege zisizo na rubani au drones za Marekani katika anga za Kenya kutekeleza mashambulizi dhidi ya kambi za makundi ya kigaidi nchini Somalia

Ameongeza kuwa Marekani haijawasilisha ombi la kutaka kutumia ndege hizo na pia Kenya haioni haja ya kuwepo kwa ndege za aina hiyo