Raiaa wa China kwathurwa antu amwe wenka Kitui arina bionaniria bia Coronavirus


Raia wa China uria ukurita ngugi na kambuni imwe ya uthondeki barabara ya Kibwezi-Kitui-Mwingi netite mbere kurigirua gicigone kiria kiathuri nyuma ya kwonania bionaniria bia Coronavirus.

Agikujira bubu, minista wa ugima bwa mwiri kaunti ya Kitui Richard Muthoka naugite raiaa uu ni umwe wa bangi 18 baria bacokerete aja nthigurune ruaa nyuma ya kuuma ruutha nthigurune ya China.

Muthoka nakuuga ni raiaa uu aki wonanitie bionaniria biu na kwou nathuri antu amwe kambunine iu iria iri gicigone kia Mutomo.

O kagitene kau barothi wa Kenya nthigurune ya China Sarah Serem nakuuga Kenya nigwikiira wiru bwa nthiguru ya China bwa gucwaa ngerekana ya Coronavirus.

Gwanka nandi, virus iu niyuragite antu nkuruki ya 1,600, na bangi ngiri 68 nibagwatithitue yo baingi bari kuuma nthigurune ya China.