Raiaa 4 ba China bagwatikene bagicaba mukenya iboko kuritirwa watho bacokue kwao


Minista wa mantu ja ndene Fred Matiangi naritite watho gucokua kwao orio kwa raiaa 4 ba China bajukitue mucibine jwa video bagicabaga ivoko mukenya muriti ngugi hoteline yao Kileleshwa.

Ntumiri iu ijite indiria korti yeete thirikari ruutha rwa kurigiria athuganirua bau gwa ntuku 15 gwetera kuthirikirua gwa ucunkuni.

Bau 4 bagwati nyuma ya video ya umwe wa arungamiri ariti ngugi hoteline iu kwonekana akiura iboko muriti ngugi umwe akirikana gucererwa ngugine.

Muriti ngugi uu nerite bolici ati ti untu bugeni gukarika hoteline iu niuntu kinya ariti ngugi bangi nibakurukirite buu bwa gucabwa iboko bacererwa ngugine.

Barithi wa China aja Kenya Wu Peng neriga kuthumbia ithithia riu na kuuga raiaa bonthe no mwanka baingie watho itikumakania ni ba nthiguru iriku.