Radio cia nthiumi cia untwire ‘Mother Tongue’ kureta ugaruruku bunene kiwiti na mbere


Kanju ya nyomba cia nteto aja nthigurune, MCK, nikirite muchango jwa ituo bia utangazaji bia radio kiri witi na mbere indiria nthiguru iji igukunguira miaka 93 ya Radio narua.

Muninini wa murungamiri munene wa MCK na murungamiri mibango yayo Victor Bwire nakuuga indiria nthiguru yonthe igukunguira ntuku iji, maingi nijakinyanirite gukurukira ituo bia ruthiumi rwa untwire kunthe aja nthigurune.

Bwire akiaria na Muuga FM kurio narua naugite ati ituo bibi nibigarurite uthikiri bwa tumeme kwingi, mugaru na uria kwaari mbere.

Kunari uu naugite ati kanju iu irina uguaa na uthingatiri watho rwangine rwa utangazaji kumana na guuka mono kwa baria batithomerete ngugi iji kumirita, na kuuga nibekite mitaratara ya kwona mawatho nijakuingua kiri uriti ngugi ya utangazaji.