Piny owacho mar County ma Homa Bay sani chano pogo oganda ma Homa Bay nede mag suna


Piny owacho mar County ma Homa Bay kokalo kuom bad migao mochungne yoore mag thieth e County ma Homa Bay kuno chano chako chenro mag pogo nede mag suna ne familia maonge gi yuto maber e Countyno -e chenro ma ibiro siro kod joka Global Fund mar konyo nyago tuo mar malaria Homa Bay kuno

Chenrono migeto chako e dwe mar 5 mar higani ibiro timo kod apisas mochungne thieth ne oganda ka jotenore kod ruodhi gi jolupgi kod nyamrerwa bang ka osebi otieki kao kwan familia maonge gi nyalo ma igeto pogo nedego

Magi ne oyangi kod apisa mochungne yoore thieth e Sub County ma Homa Bay laktar Bernard Omondi mane owacho ni nyamrerwa gie sechegi jodhi nyime gi ndiko nying miere ma ibiro teroe konyno

Nowacho ni gisefuenyo ni kwand atamalo 27 mag oganda ma county ma Homa Bay kuno joyudo tuo mar malariano e higa ka higa nikech wach onge mag nede mag sunago kane okwayo jopiny mondo joyie osir nyamrerwago e chenro masani koro gitayo mag kao nying jii ma gibiro pogo nedego