Piny owacho ma Kenya gi ma Tanzania onyis mondo oketh gono ma ikwale apiko kasto iuse piny Tanzania


Joriemb boda boda ma Kenya kod ma Tanzania dwaro ni piny owacho mag pinje ariyogo oketh gono moro ma ikwale apiko kasto iuso epiny mar Tanzania.

Joriemb apikogo wacho ni gono no nitie kod jokanyo magin jokenya kod jotanzania mabende tiyo mana eboda mag pinje ariyogo.
Kane oloso kod Radio Ramogi, jakom joboda boda esub county ma Nyatike Silvance Oluoch wacho ni apiko ma okwal egwenge go ikalo godo boda , ranyisi ni kweth mag jokuoyego gin jokenya kod jotanzania.

Oluoch wacho ni giselalo apiko mathoth kendo gikwayo piny owacho mag pinje ariyogo mondo odonjre

Motelo kucha, Radio Ramogi ne oloso kod jakom boda boda ma boma ma Isibania Peter Chacha mane owacho ni tie mar chiro ma iuse apiko ma okwal go ema nyayo kuo mag apiko egwenge go.