Owari waziri Rashid Echesa adirwa nomusango kwobulianga.


Owari waziri muwizara yemibayo muserikali ya kitaifa Rashid Mohamed Echesa yahakona mustation esya polisi esya Muthaiga mu county ya Nairobi.

Echesa yadirirwe ekulo mungolobe amasaa akechuri ohulondehana nomupango okwohwenya ohweingisa mubuhala obwabandia nabandu ohutula engereha nibamanyire mbu serikali yabere ibaberesa obuhala obwebillion 39.5.

Echesa babandi badirirwe nibari mumuhungano munyumba ndala eyemihungano eiri hubweru oburiho offisi yomulondi womutuki william ruto mutown ya Nairobi alala nende abandu babiri ohutula engereha ababere nibamanyire mbu bari ohukusira serikali amashine akejeshi.

Echesa yadirirwe nende abandi nibarimo Daniel Otieno Omondi, Keneddy Oyoo nende Clifford Okoth yekanire amahua kano nabola nesiasa, nibarindire ohulipwa ebillion 39.5.

Ripoti ohutula DCI chibola mbu Echesa yehonyera ekambini eilangwa Pizzles Cnsultands eyalipwa edolla elfu 150, emillion 10.5 echaKenya ngamapesa akendakano nohubalanga abasungu bano muKenya muno ohumaririsa obuhala.

Babiri bano nomundu ohutula Egypt noundi America, babola nibengira muKenya muno babukanana nomundu yabola atula Mujeshi owari yehonyera amashini kano.

Khandi abandu bano babola hasibamubwene omulondi womutuki William Ruto ngalubari nibalakirwe. eriukya, polisi babola amakaratasi akehonyerwa mundakano kano nakatula muwizara cha serikali nikariho esaini ya waziri Monica Juma. Echesa anyala ohuula mukoti enyanga ino nohusitakwa nomusango kuno okwahamuberezse ebillion 40 nabasye.