Ovisaa wa Volisi kuthakwa kotini munene wa Masaku aikonanwa na kiko kya uwaani


Ula Ovisaa wa volisi kwa isyitwa Nancy Njeri unuukonanwa na kuwaa wokili Onesmus Masaku me ngaliko sya Wote kauntini ya Makueni, umunthi niwathakwa kotini munene wa Masaku.

Nthini wa syikalo sya umunthi,Jaaji ula eitongoesye ikuani yu David Kenei, niwavokea mauvoo kuma kwa mawokili ma ngaliko syeli,Vala nake ovisaa usu wa Volisi ukuendeeya kuvingiwa kiseseni kya Volisi kya Masaku.

Kuatiania na report ila syatuvikia kuma Kotini usu munene wa Masaku, Ovisaa usu Nancy Njeri, akamanya kana nukunewa Bond kana ndenewa kwi matuku 15 ma mwai usu twathi.