Onjoria mwena wa Elburgon kurutirwo mukana wa kuhamurithio ni ruhonge rwa reri


Onjoria mwena wa Elburgon gicigo-ini kia Molo riu marutiirwo notithi ya kuhamurithio kuuma kiwanja-ini kia reri ya kuuma Nakuru guthii Kisumu.

Ahuri biacara acio makoretwo makiara indo cia hakuhi na reri thutha wa kuhotoma kwa mwako wa thoko njeru thiini wa tauni iyo.

Na riu ni moritie thirikari ya Ngavana Lee Kinyanjui ihike gukinyaniria tabarira iyo, niguo mahote kuingira ndunyu iyo.