Omusikari wa Traffic Kitale atilwa enyuma wekhubukula asoya


Afisa be kumukanda kwe khulwana ne bukhalukha mwirambo eacc bama khuba nebatila afisa mulala we bapolisi ba trafiki musirimba sie kitali mucounty ya trans-nzoia khumakhikha ke khuebwa asoya mumbeka cha kibomet mumbotokhelela che sirimba sia kitale eyi babili nebekhupa mubilaa

khulondekhana nende afisa ba eacc babele nebamutila sally taruss khu road block ya kibomet enyuma we khurao kumureko mapema luno eyi babasie basani babili nebekhupa mumusiru kwa kibomet

bukhalabani bwo omupolisi yuno khumwata chirupia echo bubele nebutuya lulwanda ne khurera bukhwekhwesani akari wewe nende afisa babamutilile

afisa ba eacc bama khubola bo barereo kumureko okwo enyuma we khunyola kamelocho khwama khubakhalabani a matatu alala nende bakhalabani ba bodaboda babelochele khunyasibwa nende bapolisi abo