Omukanda kwabebusi Kakamega kwenya abebusi abene abana abafwa Kakamega ohurungwa


Omukanda okwobulala obwabebusi abari nabana mubikuli ohutula mu county ya Kakamega bulano bari ohwenya serikali ibalipe abebusi boosi abakosere abana babwe mu ajali eyareha abana 15 nibafwire musikuli esya primary esya Kakamega.

Owesisala womukanda kuno mu county ya Kakamega Daktari Hosborne Maballu abola serikali niyo eihoere ohuringala ngalubana bamenya nohusoma mubikuli. Bulano bari ohwenya serikali ohubalipa abebusi bano bosi.

Maballu ouri handi omukarani omuhongo mumukanda okwakitaifa okwabebusi abola mbu ohuula bulano serikali ilobere ohubengisa mumipango echohulonderera ehua rino.