Omoroberi bwo okobarika emeremo abasae kisii o kazi mtaani


Omoroberi bwe eserekari enene o kazi mtaani bwo okwenana emeremo gochia ase abasae 3970 o ime ye ecounty ya kisii ocharikire

korengana no omo commissioner bwe ecounty eyio stephen kihara abasae abwo nigo bagochi gokora emeremo ao ao gati yabo gotichora emetaro, korabia amo no kwabusa chinsemo ao ao chio omochi o kisii buna mwembe, jogoo, daraja mbili, nubia amo na nyamataro.

Gokwana ase ensemo ya mwembe chingaki achakia omoroberi oyio kihara nigo ateba eserekari nigo erengete kobakonya abasae basiria emeremo yabo amo ne ebiasara kobwatekana no oborwaire bwa corona ase abasae 700 bagochi korusigwa korwa kera ensemo.